Stjörnur hylltu Obama

Stjörnurnar hylltu Barack Obama, verðandi Bandaríkjaforseta, á tónleikum í Washington í gærkvöldi. Obama tekur fyrstur blökkumanna við embættinu á morgun. Búist er við að tvær milljónir manna mæti og fylgist með.

Mörg hundruð þúsund gestir fönguðu Barack Obama þegar hann gekk í pontu við Lincoln-minnisvarðann í Washingtonborg síðdegis í gær. Þar flutti blökkumannaleiðtoginn Martin Luther King sína frægu ræðu 1963.

Þrátt fyrir glaðværð meðal gesta og skemmtikrafta varaði forsetinn verðandi við því að erfiðir tíma væru framundan í efnahag landsins.

Meðal þeirra sem fluttu ræður við athöfnina voru leikarinn Samuel L. Jackson og golfkempan Tiger Woods.

Írarnir í U2 tóku lagið auk fjölmargra söngvara. Þar á meðal Garth Brooks með gamlan slagara og Obama söng með.

Embættistaka Obama fer fram síðdegis á morgun og búist við að tvær milljónir manna verði viðstaddar. Áætlað er að Obama sverji embættiseið klukkan fimm að íslenskum tíma. Athöfnin verður í beinni á Vísi.