Erlent

Vopn og verjur í ránum verða æ framúrstefnulegri

Atli Steinn Guðmundsson skrifar

Ekki voru það allt hefðbundin áhöld sem komu við sögu í ráni í kynlífstækjaverslun í Álaborg í Danmörku í gærkvöldi. Ung kona ruddist inn í búðina með kúbein og krafði afgreiðslumanninn um 3.000 krónur ella fengi hann að finna til tevatnsins. Hann lét sér þó hvergi bregða en dró hallamál undan afgreiðsluborðinu og otaði því að ræningjanum sem lagði umsvifalaust á flótta. Ekki leið á löngu uns lögregla hafði hendur í hári konunnar og útvegaði henni gistingu yfir nóttina.






Fleiri fréttir

Sjá meira


×