Birgitta vill að forseti skjóti Icesave málinu til þjóðarinnar

Birgitta Jónsdóttir, þingmaður Borgarahreyfingarinnar, telur að Ólafur Ragnar Grímsson, forseti Íslands, eigi að gefa þjóðinni kost á því að kjósa um lög um ríkisábyrgð vegna Icesave.

Til þess að forsetinn geti gert það verður hann að neita að skrifa undir lögin þegar að hann fær þau send frá fjármálaráðuneytinu, en það mun væntanlega gerast á morgun.

Forsetinn hefur einungis einu sinni í 65 ára sögu lýðveldisins gripið til þessa ráðs en það var þegar að hann neitaði að staðfesta fjölmiðlalögin árið 2004.