Barist við skógarelda í Kaliforníu

Slökkviliðsmenn í Kaliforníu gera sér vonir um að hagstæð vindátt auðveldi þeim að ráða niðurlögum kjarr- og skógarelda sem ógna 3500 hundruð heimilum í Santa Barbara og nágrenni. Erfiðlega hefur gengið að slökkva eldana þar sem heitt hefur verið í veðri og vindasamt á svæðinu þar sem þeir brenna.

Eldarnir loga nú á um 34 ferkílómetra svæði og hafa 80 heimili orðið þeim að bráð. Ríflega 20 þúsund íbúum hefur verið gert að yfirgefa heimili sín og 10 þúsund sagt að búa sig brottflutning.

Engir almennir borgarar hafa slasast eða farist í eldunum en 11 slökkviliðsmenn hafa þurft að leita læknisaðstoðar, þar af hafa þrír verið lagðir inn á sjúkrahús vegna brunasára og reykeitrunar.