Leiðtogi þjóðernissinna vill sökkva bátum

Nick Griffin, flokksleiðtogi breskra þjóðernissinna, telur ekki raunhæft að Bretland verði einungis byggt hvítu fólki. Hann segir slíkt einfaldlega ekki mögulegt í framkvæmd.

Griffin fór um víðan völl í viðtali við breska ríkisútvarpið í dag og sagði ásakanir og fullyrðingar um að hann sé fasisti einungis ætlað að sverta mannorð hans. Aftur á móti sé Evrópusambandið afar nálægt því að vera fasískt.

Flokksleiðtoginn sagði brýnt að Evrópusambandið sökkvi nokkrum bátum með ólöglegum innflytjendum við strandir Líbýu og hendi björgunarvestunum útbyrðis svo fólkið geti synt til baka. „Öðruvísi læra þau ekki að þau muni aldrei koma til Evrópu."