Ameríka.....best í heimi

Bandaríkin eru vinsælasta stóra land í heiminum. Þökk sé Barack Obama. Rannsóknarstofnunin GFK Roper sem tengist Associated Press fréttastofunni hefur um árabil gert kannanir á alheimsvísu um stöðu þjóða.

Meðal annars á því hvert hinna fimmtíu stærstu landa heims nýtur mestra vinsælda. Í fyrra meðan George Bush var forseti voru Bandaríkin í sjöunda sæti. Í ár eru þau númer eitt.

GFK Roper talaði við tuttugu þúsund manns þvers og kruss um heiminn. Fólk var beðið um að meta löndin út frá hvað því fyndist um viðskipti þeirra og útflutningsvörur, pólitíska stefnu og forystu, menningu og menntun og fleira.

Númer tvö í könnuninni var Frakkland, þá Þýskaland, Bretland, Japan, Ítalía, Kanada, Sviss og Ástralía.

Í neðri kantinum voru lönd eins og Kólumbía, Kenya og Angóla. Og númer fimmtíu, alveg á botninum var Íran.