Sonur Kims er ekki á þinginu

Norður-Kóreustjórn skipaði hersveitum sínum að vera í viðbragðsstöðu í gær og hótaði „stríði“ ef önnur ríki reyna að skjóta niður gervihnött, sem hún sagðist ætla að skjóta á loft.

Önnur ríki grunar að þetta sé enginn gervihnöttur, heldur tilraun til að skjóta langdrægu flugskeyti á loft.

Um helgina fóru fram þingkosningar í Norður-Kóreu, en þingið hefur engin völd og allir kjósendur kusu eina frambjóðandann í sínu kjördæmi.

Athygli vakti að enginn þriggja sona Kims var kosinn á þingið. Fyrirfram hafði verið búist við því að yngsti sonurinn, Kim Jong Un, færi á þing. Það hefði síðan ótvírætt bent til þess að hann væri líklegur arftaki föður síns sem leiðtogi Norður-Kóreu.- gb