Ganga ungrar konu stöðvuð

Lögreglan á Gasa stöðvaði för ungrar konu og manns, sem gengu saman á ströndinni. Maðurinn var handtekinn ásamt tveimur félögum hans og urðu þeir fyrir barsmíðum af hálfu lögreglunnar. Þetta fullyrðir bæði konan og einn mannanna.

Atvikið hefur vakið áhyggjur af því að Hamas-samtökin, sem fara með völd á þessu stríðshrjáða svæði, ætli sér að framfylgja af hörku ströngustu kröfum íslamskra siða.

Samtökin hafa þó jafnan sagt að þau muni ekki neyða skoðunum sínum upp á aðra, heldur aðeins ganga á undan með góðu fordæmi.