Signubakkar verða að strönd

Bökkum árinnar Signu í París hefur verið breytt í sandströnd, með tilheyrandi pálmatrjám, sólbaðsstólum, hengirúmum og útisturtum. Uppátækið nefnist Strandir Parísar, og er þetta nú gert í áttunda sinn.

Á hverju sumri er stór hluti árbakkans hægra megin, sem venjulega er úr grárri steypu, gerður að stórri strönd. Þangað geta Parísarbúar því farið ef þeir komast ekki úr borginni. Meðal annars er þar að finna sundlaug og lítinn skemmtigarð fyrir börn, sem og vinnusvæði með internettengingu og svæði fyrir tónleikahald á kvöldin. - þeb