Kosið um róttækar breytingar í Bólivíu

Kosið var um róttækar breytingar á stjórnarskrá Bólivíu í dag. Verði breytingarnar samþykktar aukast völd ráðamanna í La Paz, höfuðborg Bólivíu, umtalsvert og gefa sósíalistanum Evo Morales, sitjandi forseta, færi á að gefa kost á sér til áframhaldandi setu á stóli forseta.

Fyrirmynd Morales eru breytingar sem Hugo Chavez, forseti Venúsúela, og Rafael Correa, forseti Ekvador, hafa náð í gegn en þeir eru vinstrimenn líkt og Morales. Báðir hafa þeir keyrt í gegn breytingar stjórnarskrám ríkja sinna til að styrkja eigin stöðu.