Ákærður fyrir að myrða eiginkonu sína neðansjávar

Ameríkani sem hefur verið ákærður fyrir að myrða eiginkona sína við köfun í brúðkaupsferð í Ástralíu hefur verið úrskurðaður í áframhaldandi gæsluvarðhald í Queensland.

David Gabriel „Gabe" Watson sem snéri aftur til Ástralíu af fúsum og frjálsum vilja var handtekinn þegar hann lenti í borginni Brisbane á miðvikudag.

Hinn 31 árs gamli Watson er ákærður fyrir að myrða eiginkonu sína, Tinu, í október árið 2003 með því að skrúfa fyrir súrefniskút hennar og halda henni neðansjávar. Hann hefur neitað ásökunum og vill hreinsa nafn sitt.

Dómari hefur hinsvegar úrskurðað að Watson verði í gæsluvarðhaldi til 29.maí næstkomandi. Christina „Tina" Watson var tuttugu og sex ára gömul og var byrjandi í köfun. Hún drukknaði þegar þau voru að kafa í brúðkaupsferð þeirra hjóna.

Annar kafari sem var í grenndinni var fyrir tilviljun að mynda og í bakgrunni á einni mynda hans, sést Tina liggja ofan sjávar, þar sem leiðbeinandi reynir að koma henni til bjargar.