Vont fyrir Steingrím J. að búa í Danmörku

Í nýafstöðnum þingkosningum kveinkuðu Vinstri grænir sér undan því að einhverjir sjálfstæðismenn hrekktu Steingrím J. Sigfússon með því að birta mynd af honum í auglýsingum.

Frændur okkar Danir virðast ekki jafn viðkvæmir fyrir slíku. Til dæmis er löng hefð fyrir því að ungliðahreyfing sósíaldemokrata (DSU) birti myndir af andstæðingum fyrir kosningar.

DSU búa til kvikmyndaplaköt sem vísa til einhverra stórmynda og setja stjórnmálamenn í aðalhlutverk.

Í þingkosningum árið 2001 varð kvikmyndin um Titanic slysið notuð. Í Danmörku hét myndin Katastrofekurs sem á íslensku mætti kalla Stefnt til heljar. Myndirnar voru af þeim Anders Fogh Rasmussen og Piu Kjærsgaard.

Þau urðu einnig fyrir valinu í þingkosningum árið 2005 og þar voru þau aðalleikendur í kvikmyndinni Dirty Dancing.