Ungverjaland styður ESB umsókn Íslendinga

Ungverjaland styður aðildarumsókn Íslands að Evrópusambandinu en telur að samningaviðræðurnar eigi að fylgja eðlilegu ferli sagði Gabor Ivan, hátt settur yfirmaður í ungverska utanríkisráðuneytinu, við vefinn MTI í dag.

„Við gleðjumst yfir því að Ísland hafi skilað inn umsókn. Við teljum að Ísland sé hluti af Evrópufjölskyldunni og höfum engar efasemdir um stöðu þess hér. Á sama tíma ætti enginn ESB umsækjandi að fá sérmeðferð," sagði Gabor Ivan. Tímaröðin ætti að vera sú sama fyrir Ísland og Vestur-Balkanlöndin, þar á meðal Króatíu," sagði hann.

Ivan sagði að á Íslandi væri stöðugt lýðræði og þróað markaðshagkerfi og það væri líklegur grundvöllur fyrir því að landið fengi inngöngu í ESB.