Fjöldi Bandaríkjamanna kemst ekki á eftirlaun

Bandaríkjamenn sem nálgast eftirlaunaaldurinn hætta nú í æ ríkari mæli við að setjast í helgan stein en vinna þess í stað áfram vegna lífeyrissparnaðar sem hvarf í svarthol efnahagshrunsins.

Lækkun verðbréfa hefur gert það að verkum að eftirlaunasparnaður Bandaríkjamanna rýrnaði um 32 prósent frá árslokum 2007 til ársloka 2008 og nemur upphæðin hvorki meira né minna en 2.800 milljörðum dollara sem eru tæplega 130 faldar skuldir íslenska ríkisins að meðtöldum lánum Alþjóðagjaldeyrissjóðsins og vinveittra þjóða.