Vargöld í miðbæ Óslóar í gærkvöldi

Yfir 30 voru handteknir þegar til harðra átaka kom í miðborg Óslóar í gærkvöldi milli stuðningsmanna Ísraelsmanna, sem héldu samkomu fyrir framan þinghúsið, og andstæðinga þeirra.

Lögreglan segir þetta verstu óeirðir þar í landi í 30 ár en hún lagði hald á bensínsprengjur, flugelda og barefli en flugeldunum hafði meðal annars verið beint að lögreglu. Rýma þurfti að minnsta kosti eitt kaffihús þegar allir gluggar þess höfðu verið brotnir og slösuðust sex manns í átökunum.

Varðstjóri lögreglu segir óeirðirnar ekki hafa snúist nema að litlu leyti um ástandið á Gaza, margir hafi hreinlega bara viljað átök og skemmdarverk.