Framkvæmdastjóri NATO kveður

Á mánudaginn tekur Anders Fogh Rasmussen, fyrrverandi forsætisráðherra Danmerkur, við af Jaap de Hoop Scheffer sem framkvæmdastjóri Atlantshafsbandalagsins, NATO.

Eitt stærsta verkefni bandalagsins er hernaðurinn í Afganistan, en auk þess fær Fogh Rasmussen nóg að glíma við í sambandi við væntanlega fjölgun aðildarríkja, erfið samskipti við Rússland og baráttu gegn sjóræningjum frá Sómalíu.

De Hoop Scheffer hafði gegnt embættinu í fimm og hálft ár, en það er hálfu öðru ári lengra en venjan er.