Vill heildstæða löggjöf um þjóðaratkvæðagreiðslur

Birkir Jón Jónsson, varaformaður Framsóknarflokksins, vill að sett verði heildstæð lög um þjóðaratkvæðagreiðslur þannig að þjóðin geti sagt álit sitt í veigamiklum málum sem snerta þjóðina.

Ólafur Ragnar Grímsson, forseti Íslands, staðfesti í gær lög um ríkisábyrgð vegna Icesave. Aðspurður hvort hann sé sáttur við niðurstöðu forsetans í því máli segir Birkir Jón alveg ljóst að gjá hafi verið milli Alþingis og þjóðarinnar. „Og það voru nú rök forsetans þegar að hann synjaði fjölmiðlalögunum um staðfestingu," segir Birkir.