Obama sver á ný

Barack Obama bandaríkjaforseti sór embættiseið sinn aftur í gærkvöldi til að hafa það örugglega á hreinu að hann gegni embættinu réttilega en John Roberts, forseti Hæstaréttar, fipaðist þegar hann fór með eiðstafinn fyrir Obama við embættistökuna á þriðjudaginn.

Orðið „faithfully, eða af trúmennsku, var á röngum stað í fyrstu setningunni hjá Roberts og tóku áhorfendur glöggt eftir þessu. Blaðamenn og blogghöfundar blésu mistökin töluvert upp og þar sem eiðstafurinn er bundinn í stjórnarskrá Bandaríkjanna þótti rétt að Obama færi með hann á ný.