Átta ára piltur særður eftir skotárás - annar 10 ára handtekinn

Átta ára gamall piltur er alvarlega særður eftir skotárás á ferðamannastað í suðurhluta Tyneside á Englandi í kvöld. Lögregla segir að tíu ára gamall piltur hafi verið handtekinn vegna málsins. Pilturinn var skotinn í handlegg og bringu og undirgengst nú skurðaðgerð á Northumbria sjúkrahúsinu að sögn lögreglu.

Vopnið sem notað var í árásinni virðist vera nokkurskona skotvopn, líklega byssa sagði lögreglumaðurinn Jim Napier við BBC eftir árásina.

„VIð reynum nú að setja saman atburðarrásina og aðdraganda árásarinnar, það er hinsvegar of snemmt að segja til um hvað gerðist á þessu stigi málsins," sagði Napier.

Hann sagðist einnig vilja fullvissa fólk um að það væri engin ráfandi um götur bæjarins skjótandi að börnum. Hann sagði einnig of snemmt að segja til um hvort hinn særði og sá handtekni þekktust.