Obama fundaði með Abbas í gær

Barack Obama Bandaríkjaforseti átti í gær fund með Mahmoud Abbas, forseta Palestínu, þar sem þjóðhöfðingjarnir ræddu málefni Vesturbakkans. Abbas heimsótti Obama til Washington og segja heimildarmenn að hann hafi þrýst mjög á Obama að styðja Palestínumenn í viðleitni þeirra til þess að fá ísraelsk stjórnvöld til að viðurkenna Palestínu sem sjálfstætt og fullvalda ríki. Talsmaður Ísraelsstjórnar, Mark Regev, sagði fjölmiðlum í gær að staðan á Vesturbakkanum yrði eingöngu ákveðin í viðræðum milli Ísraels- og Palestínumanna.