Yfir eitt hundrað flensutilfelli í Bretlandi

Staðfest svínaflensutilfelli í Bretlandi fóru yfir eitt hundrað þegar fjórtán ný tilfelli flensunnar greindust þar síðustu daga, sex hjá fullorðnum einstaklingum en átta hjá börnum. Tveir þeirra sem greindust höfðu nýverið snúið aftur úr ferðalagi til Mexíkó en flestir hinna höfðu átt samneyti við smitaða einstaklinga. Nýju tilfellin fjórtán sýna skyndilega fjölgun tilfella en veiran er ekki eins sterk í Evrópu og menn óttuðust í fyrstu svo tilfellin þar eru vægari. Yfir 60 manns eru látnir úr flensunni í Mexíkó.