Sakaður um skjalaleynd

Leon Panetta, yfirmaður CIA, sakar Dick Cheney, fyrrverandi varaforseta Bandaríkjanna, um að hafa leynt bandaríska þingið mikilvægum skjölum um aðgerðir eftir 11. september.

Dianne Feinstein, þingmaður demókrata, sagði bandarískum fréttamiðlum að Panetta hefði sagt sér þetta í lok júní. Ekki er nákvæmlega vitað hvers eðlis skjölin eru. Repúblikanar hafa sakað demókrata um að með þessum ásökunum reyni þeir að beina sjónum almennings annað á meðan vandræðagangur sé innan þeirra raða. Sjálfur hefur Cheney ekki viljað tjá sig um málið. - vsp