Hékk utan á lest í tvo og hálfan tíma

Bandarískur ferðamaður er heppinn að hafa lifað af tveggja og hálfrar klukkustundar ferðalag með lest milli Adelaide og Darwin í Ástralíu en hann hékk utan á lestinni. Manninun, sem er tæplega tvítugur, brá þegar hann sá lestina mjakast af stað eftir stutt stopp í Port Augusta. Hann hljóp til og klifraði upp í stiga utan á lestinni en áttaði sig fljótlega á því að hann var þar með kominn í sjálfheldu. Starfsmaður um borð í lestinni heyrði að lokum köll farþegans og stöðvaði lestina. Bæði var manninum þá orðið ískalt auk þess sem hann var farinn að efast verulega um að hann lifði ferðalagið af.