Shearer: England getur unnið HM

Alan Shearer er bjartsýnn á gott gengi Englands á HM í Suður-Afríku og segir enska liðið vel geta farið alla leið og unnið mótið.

Shearer segir að koma Fabio Capello hafi haft jákvæð áhrif á liðið sem sé mun sterkara en það var.

„Fabio Capello hefir komið með eitthvað sérstakt og leikmenn hafa brugðist frábærlega við hans boðskap," sagði Shearer við The Sun.

„Við erum að fara með lið á HM sem ég tel að eigi raunverulegan möguleika á að vinna mótið. Leikmenn njóta þess að spila fótbolta með landsliðinu og frammistaðan í riðlakeppninni var í heimsklassa.

„Stóra prófið bíður í Afríku og ég sé enga ástæðu til annars en að vera bjartsýnn fyrir mótið. Ég tel að við höfum það sem þarf til þess að vinna mótið," sagði Shearer.