Þurfa að skila spænskum fjársjóði

Fjársjóðsleitarfyrirtækið Odyssey Marine Exploration, þarf að skila spænskum fjársjóði sem tilheyrir Spáni.

Fyrirtækið fann spænska skipið Mercedes árið 2007 en talið er að því hafi verið grandað árið 1804 af bresku herskipi.

Um borð í skipinu var gull að andvirði 500 milljónir dollara eða eða hundrað milljarði króna.

Fyrirtækið hélt staðnum þar sem skipið sökk leyndu, að eigin sögn til þess að koma í veg fyrir að óprúttnir sjóræningjar myndu reyna að stela fjársjóðnum.

Hitt var þó vitað að skipið fannst í Atlantshafinu.

Fyrirtækið flaug með fjársjóðinn beint til Bandaríkjanna. Fjársjóðsleitarmenn voru þó ekki lengi í paradís því spænski menningamálaráðherrann Angeles Gonzalez-Sinde taldi fjársjóðinn og skipið tilheyra spænsku þjóðinni og höfðaði því mál á hendur fyrirtækinu.

Málið var höfðað í Bandaríkjunum en dómari komst að þeirri niðurstöðu að hann hefði ekki lögsögðu í málinu þar sem flakið fannst í Atlantshafinu. Því tilheyrði skipið og gullið Spánverjum.

Fjársjóðsmenn eru afar ósáttir og ætla að áfrýja málinu.

Það breytir þó ekki að spænski menningamálaráðherrann er himinlifandi yfir dómnum og segir að spænska þjóðin muni eflaust líka við að fara í þetta heillandi tímaferðalag, enda ekki á hverjum degi sem tvö hundruð ára gömul skip finnast.