Salan á Fortis að buga Belga

Albert II, konungur Belgíu fundaði í gær með helstu ráðamönnum landsins í tilraun sinni til að ráða bót á þeim pólitíska vanda sem upp er kominn í kjölfar efnahagsþrenginga í landinu.

Ríkisstjórn landsins hefur að undanförnu reynt að selja frönskum banka, BNP Paribas, meirihlutann í Fortis, stærsta banka landsins en vegna fjármálakreppunnar neyddist Fortis til að leita aðstoðar stjórnvalda.

Gangi salan eftir eiga þúsundir Belga á hættu að missa vinnuna. Undirréttur úrskurðaði nýlega að hluthafar í Fortis hefðu átt að fá að taka þátt í ákvörðunum um söluna. Á föstudaginn bárust svo féttir þess efnis að Yves Leterme, forsætisráherra Belgíu hefði reynt að hafa áhrif á niðurstöður áfrýjunarréttar í málinu.