Mugabe sagður nota matvælaaðstoð sem vopn í kosningabaráttunni

Bandaríski sendiherran í Simbabve sakar stjórnvöld í landinu um að notfæra sér matvælaaðstoð til þess að afla atkvæða fyrir núverandi forseta landsins, Robert Mugabe í komandi forsetakosningum. Hann segir að Mugabe og félagar séu orðnir hræddir um að missa völdin og því grípi þeir til þessara örþrifaráða.

Stjórnvöld bönnuðu í gær allt hjálparstarf í landinu og segja gagnrýnendur þeirra að þeir lofi fólki mataraðstoð gegn því að það greiði Mugabe atkvæði sitt í kosningunum 27 júní næstkomandi.