Tonn af sprengiefni í bifreiðum í Pakistan

Yfirvöld í Pakistan stöðvuðu í gærkvöldi tvær bifreiðar sem fluttu um eitt tonn af sprengiefni í borginni Rawalpindi. Að minnsta kosti þrír menn hafa verið handteknir vegna málsins og sæta nú yfirheyrslum.

Ekki eru nema fáeinir dagar síðan sex létust í sprengingu við danska sendiráðið í Islamabad og leikur grunur á að sprengiefnið sem nú fannst hafi átt að nota til hryðjuverka en í Rawalpindi eru höfuðstöðvar hers Pakistans auk þess sem þar er aðsetur Pervez Musharraf, forseta landsins.

CNN greindi frá.