Umferðartollur tekinn upp í Manchester

Manchester verður bráðlega önnur borgin á Englandi til þess að taka upp umferðartoll í miðbæ sínum. Þetta er gert til þess að vinna gegn umferðarteppum og draga úr losun gróðurhúsaefna.

Samskonar tollur var tekinn upp í London árið 2003. Hann virkar á þann veg að gjald fellur á allar þær bifreiðir sem aka inn í miðbæinn á ákveðnum tímum. Þetta þykir hafa tekist vel upp í London, slegið á umferðarteppur og eflt almenningssamgöngur.

Nokkrar borgir í Evrópu og í Bandaríkjunum hafa tekið fyrirkomulagið í London til skoðunar. Á síðasta ári var svipað fyrirkomulag svo tekið upp í Stokkhólmi.

Tilraun Michael Bloomberg til þess að koma á umferðartolli í New York var hins vegar felld af borgarfulltrúum.