Drogba fer frá Chelsea

Daily Mail heldur því fram í dag að Didier Drogba hafi leikið sinn síðasta leik í búningi Chelsea.

Drogba fékk að líta rauða spjaldið í úrslitaleik Chelsea og Manchester United í Meistaradeild Evrópu í vikunni. Forráðamenn félagsins eru sagðir óánægðir með Drogba sem hefur komið sér og félaginu margoft í vanda með hinum ýmsu ummælum sínum.

Þá er framtíð Avram Grant knattspyrnustjóra einnig óráðin en þeir Peter Kenyon framkvæmdarstjóri, Roman Abramovich eigandi og Bruce Buck stjórnarformaður eru sagðir nú leita ráða til að halda Grant innan raða félagsins en ráða engu að síður annan mann í stöðu knattspyrnustjóra. Frank Rijkaard, fráfarandi stjóri Barcelona, hefur helst verið nefndur í því samhengi.