Sjálfsmorð í bandaríska hernum aldrei verið fleiri

Sjálfsmorð meðal bandarískra hermanna hafa aldrei verið meiri síðan byrjað var að skrá þau sérstaklega eftir seinni heimstryjöldina.

Samkvæmt upplýsingum frá bandaríska hernum frömdu 115 liðsmenn hans sjálfsmorð á síðasta ári og er það 13% aukning frá árinu 2006. Fylgir með að átök í Írak og Afganistan hafi færst í aukana á síðasta ári en um fjórðungur af sjálfsmorðunum átti sér stað í Írak.

Talið er að aukin sjálfsmorð meðal hermanna í Írak megi rekja til þess að herskyldan þar hefur verið lengd úr einu ári og í 15 mánuði.

Barak Obama frambjóðandi Demókrataflokksins í forkosningunum um forsetaefni flokksins gerði þessar tölur að umtalsefni í ræðu sem hann hélt í gærkvöldi. Hann sagði tölurnar vera harmleik sem minnti Bandaríkjamenn á hvað það kostaði þá að vera í Írak.

Talsmaður hersins segir að meðal ástæðna fyrir sjálfsmorðunum sé löng vist að heiman, hræðilegir hlutir sem margir upplifi og auðveldur aðgangur að hlöðnum vopnum.