Samkynhneigðir í mótmælagöngu í Moskvu

Samkynhneigðir Rússar stóðu fyrir miklum mótmælum í Moskvu í gær eftir að borgaryfirvöld bönnuðu gay-pride göngu og atburði tengdar henni.

Borgarstjóri Moskvu-borgar, Yury Luzhkov, hefur lengi haft horn í síðu samkynhneigðara í borginni og hann segir raunar að gay pride atburðir séu verk djöfulsins.

Mótmælaganga samkynhenigðra hófst við styttuna af tónskáldinu Pyotr Tchaikovsky sem talinn er hafa verið samkynhneigður. það var haldið að ráðhúsi Moskvu. Á leiðinni var gangan grýtt með eggjum af ýmsum hópum sem eru á móti samkynhneigðum eins og öfgafólki til hægri og meðlimum rétttrúarsafnaða í borginni.

Lögreglan þurfti nokkrum sinnum að grípa inn í og skakka leikinn en alls voru 36 manns handteknir meðan á göngunni stóð, bæði samkynhneigðir og þeir sem réðust á þá. Hinsvegar var gangan nú nokkuð friðsamari en tvö síðustu ár.

Er komið var að ráðhúsinu voru borðar og kröfuspjöld sett á loft með slagorðum um aukinn réttindi samkynhneigðra og fordæmingu á hommafóbíu borgarstjórans.