Skógarbjörn sektaður fyrir stuld úr býflugnabúi

Skógarbjörn í Makedóníu hefur verið fundinn sekur fyrir dómstóli um að stela reglulega hunangi úr býflugnabúi bónda nokkurs í grennd við borgina Bitola.

Eftir að björninn fór að gera sér dælt við býflugnabúið á hverjum degi greip bóndinn til þess ráðs að láta ljós loga alla nóttina við búið og spila serbnesk þjóðlög af töluverðum krafti. Hélt það birninum í burtu.

Síðan þvarr olían af díselrafstöð hans og þá ákvað hann að fara í mál við björninn. Þar sem björninn telst til verndraðra tegunda verða stjórnvöld að greiða sekt hans sem nemur um 250.000 krónum.