Grunaður barnaklámskennari fremur sjálfsmorð

Ástralskur kennari tók sitt eigið líf og annar reyndi sjálfsvíg eftir að þeir voru handteknir í tengslum við rannsókn lögreglu á barnaklámshringi á netinu. Mennirnir voru yfirheyrðir af lögreglu þegar upp komst um barnaklámshringinn en lögreglan þar í landi hefur ákært 90 manns í tengslum við málið.

Dagblað í Ástralíu sagði frá því að 59 ára gamall kennari frá Queensland fylki hefði framið sjálfsmorð eftir að hann var ákærður fyrir aðild sína að málinu. Annar 48 ára gamall kennari var fluttur á sjúkrahús eftir sjálfsvígstilraun. Sá skeytti saman andlitum af nemendum sínum inn á myndirnar.

Lögreglan í Queensland hefur staðfest að maður tengdur málinu hafi látið lífið en vildi ekki staðfesta að um sjálfsvíg hefði verið að ræða.