Jimmy Carter mun styðja Obama

Fyrrum forseti Bandaríkjanna Jimmy Carter mun styðja Barack Obama sem forsetaefni demókrataflokksins þegar atkvæðagreiðslu líkur í tveimur prófkjörum seinna í kvöld. Þetta er haft eftir skrifstofu Jimmy Carters í Atlanta.

Carter hefur lýst yfir hlutleysi í baráttu þeirra Obama og Hillary fram að þessu en hefur gefið í skyn að hann styðji Obama.

Það hefur hann gert með því að segja meðlimi fjölskyldu sinnar styðja þingmanninn. Búist var við því að Hillary lýsti yfir ósigri seinna í kvöld en kosningastjóri hennar dró þær fréttir til baka nú síðdegis.