Neita að verja hryðjuverkmennina í Mumbai

Indverskum yfirvöldum er vandi á höndum þar sem lögfræðingar neita að verja eina hryðjuverkamanninn sem lifði af árásina í Mumbai í síðasta mánuði.

Samtök lögfræðinga í Mumbai hafa lýst því yfir að enginn úr þeirra röðum muni taka að sér að verja Mohammad Ajmal Kasab eða aðra sem á einhvern hátt tengjast árásinni.

Samkvæmt indverskum lögum ber lögfræðingum skylda til þess að verja sakborninga sem þeir eru skikkaðir til að taka að sér.

Lögmannasamtökin vilja hinsvegar gera greinarmun á venjulegum afbrotamönnum og hryðjuverkamönnum og telja skyldur sínar ekki ná til hinna síðarnefndu.

Eitthundrað sjötíu og níu manns féllu í árásinni á Mumbai og lögfræðingarnir telja sig hafa siðferðilegan- og þjóðernislegan rétt til þess að neita að taka að sér ódæðismenn sem að slíku standi.

Ekki er þó stætt á öðru en að finna Kasab verjanda og. Eiga þann kost að leita að verjanda utan héraðsins eða í versta tilfelli leita út fyrir landsteinana.

Það mætti kannski benda yfirvöldum á að bandarískir lögfræðingar eru síður en svo tregir til þess að taka að sér umdeild sakamál sem búast má við að verði mikið í fréttum.