Mörg pör vilja komast í 100 mílna klúbbinn

Forstjóri Virgin Galactic segir að pör standi í biðröðum eftir því að komast í 100 mílna klúbbinn, það er eiga samfarir í þyngdarleysinu úti í geiminum.

Nafn klúbbsins er dregið af Míluklúbbnum en það er fólk sem notið hefur ásta í flugvél á flugi. Virgin Galactic ætlar að bjóða upp á geimferðir fyrir ferðamenn á næsta ári.

Will Whitehorn forseti Virgin Galactic segir að sum af pörunum vilji komast í Heimsmetabók Guinness sem það fyrsta er stundar kynlíf úti í geiminum meðan önnur vilja fá leyfi til að taka ástarleiki sína upp á myndband um borð í geimfari Virgin.

Það setur þó strik í reikninginn að vísindamenn telja að það sé einfaldlega ekki hægt að stunda kynlíf í þyngdarleysi og bent er á að í geimfari Virgin muni þyngdarleysið aðeins vara í 5 mínútur.