Á rangri plánetu

Fylkisstjóri Illinois, Rod Blagojevich, sem grunaður er um að hafa ætlað að selja öldungardeildarsæti Barack Obama, segir að ef hann hafi gert eitthvað rangt, sé hann á rangri plánetu.

Sá háttur er hafður á í Bandaríkjunum að ef öldungardeildarmaður segir af sér eða deyr á miðju kjörtímabili, skipar ríkisstjóri heimafylkis hans mann í hans stað.

Blagojevich er talinn hafa ætlað að selja sæti Obama eftir að hann var kjörinn forseti og náðust samtöl hans við fólk um þetta upp á segulband, þegar alríkislögreglumenn voru að hlera síma hans út af öðrum spillingarmálum. Hann er talinn einstaklega óforskammaður maður og þyklja ummæli hans í dag sanna það enn frekar.