Flugræningjarnir í Libyu gáfust upp

Súdönsku flugræningjarnir sem neyddu flugmenn vélar í innanalandsflugi til að fljúga til Libyu hafa gefist upp.

Níutíu og fimm farþegum vélarinnar var sleppt í dag, en ræningjarnir héldu áhöfninni í gíslingu þartil þeir gáfust upp fyrir stundu.

Ekki er vitað hvað fyrir ræningjunum vakti. Ekki hefur verið skýrt frá því að þeir hafi sett fram einhverjar kröfur.

Því var haldið fram að þeir tilheyrðu ákveðnum uppreisnarhópi í Darfur héraði. Sá hópur neitaði að eiga nokkurn hlut að máli.

Engan sakaði í þessu flugráni.