Innlent

Bifhjól ökumanns gert upptækt eftir ofsaakstur

Frá vettvangi slyssins.
Frá vettvangi slyssins. MYND/Stöð 2

Tveir bifhjólaökumenn voru dæmdir í Héraðsdómi Suðurlands í dag. Ökumennirnir voru mældir á 180 km hraða og í kjölfarið reyndu mennirnir að stinga lögregluna af. Þeir fóru í gegnum tvo vegartálma sem settir voru upp en ökuferðin endaði með aftan á keyrslu annars hjólsins og ók hinn ökumaðurinn yfir félaga sinn í kjölfarið. Ökutæki annars mannsins var gert upptækt og mun það vera í fyrsta skipti sem svo er gert.

Upphaf máls þessa er að lögreglumenn frá Selfossi voru staddir á Suðurlandsvegi við Kambabrún á leið austur er þeir mættu tveimur bifhjólum sem var ekið vestur Suðurlandsveg á móti akstursstefnu þeirra.

Var hraði bifhjólanna mældur með ratsjá og mældist hraði þeirra 180 kílómetrar á klukkustund. Var ökumönnunum strax gefið merki með forgangsljósum lögreglubifreiðarinnar um að stöðva akstur hjólanna auk þess að eftirför var hafin. Var Fjarskiptamiðstöð lögreglunnar tilkynnt um aksturinn sem sendi lögreglubifreiðar á móti bifhjólunum.

Í framhaldi mynduðu tvær lögreglubifreiðar vegatálma fyrir ofan Gunnarshólma og tvær aðrar lögreglubifreiðar annan vegatálma við Hólmsá. Óku bifhjólin fram hjá báðum vegatálmunum og beygðu inn á Breiðholtsbraut til suðurs við Rauðavatn.

Stuttu seinna ók annað bifhjólið aftan á bifreið og við það féll bæði hjól og ökumaður í götuna en hitt bifhjólið virðist hafa ekið yfir ökumann fyrra hjólsins. Komu lögreglubifreiðar og sjúkraflutningamenn á vettvang í sama mund og voru ökumenn bifhjólanna báðir fluttir á sjúkrahús í beinu framhaldi.

Annar mannanna skal sæta fangelsi í átta mánuði en fresta skal fullnustu refsingarinnar og hún látin niður falla að liðnum þremur árum haldi hann almennt skilorð. Hann var einnig sviptur ökurétti í þrjú ár. Bifhjól hans var einnig gert upptækt með dómi en það er í fyrsta skipti sem svo er gert.

Hinum ökumanninum er ekki gerð sérstök refsing í málinu enda var ekki gerð krafa um það af hálfu ákæruvaldsins vegna þeirra alvarlegu afleiðinga sem slysið hafði fyrir manninn. Hann er lamaður fyrir neðan háls. Maðurinn var hins vegar sviptur ökurétti í sex mánuði.




Tengdar fréttir

Stórslasaður eftir ofsaakstur

Bifhjólamaður liggur stórslasaður á gjörgæsludeild Landsspítalans eftir að hafa fallið til jarðar á ofsahraða á Breiðholtsbraut upp úr miðnætti. Tildrög slyssins voru að hann ók aftan á bíl og missti stjórn á hjólinu. Meðal áverka eru hálsbrot. Félagi hans á öðru bifhjóli, missti einnig stjórn á sínu hjóli við slysið og skall í götuna, en hann er ekki eins alvarlega slasaður. Ökumann bílsins sakaði ekki.

Ökutæki gerð upptæk vegna ofsaaksturs

Þeir sem gerast sekir um ofsaakstur, ölvunarakstur eða vítaverðan akstur að öðru leyti eiga það á hættu að ökutæki þeirra verði gerð upptæk. Sýslumaðurinn á Selfossi hyggst láta reyna á þetta nýja ákvæði umferðarlaga gagnvart tveimur vélhjólamönnnum, sem lentu í slysi á Breiðholtsbraut í byrjun vikunnar, eftir ofsaakstur yfir Hellisheiði.

Háskaakstur segir formaður Sniglanna

Formaður Sniglanna segir að um háskaakstur hafi verið að ræða hjá tveimur félagsmönnum í Sniglunum í nótt. Annar ökumananna berst fyrir lífi sínu á sjúkrahúsi eftir alvarlegt slys á Breiðholtsbraut. Honum er nú haldið sofandi en hann er á leið í aðgerð. Maðurinn hálsbrotnaði í slysinu. Hinn ökumaðurinn er hins vegar kominn heim af sjúkrahúsi og slasaðist hann ekki alvarlega. Lögreglan telur að meðalhraði bifhjólanna hafi farið á þriðja hundraðið.

Bifhjólamaður stórslasaður eftir árekstur

Bifhjólamaður liggur stórslasaður á gjörgæsludeild Landsspítalans eftir að hafa fallið til jarðar á ofsahraða á Breiðholtsbraut upp úr miðnætti. Tildrög slyssins voru að hann ók aftan á bíl og missti stjórn á hjólinu. Félagi hans á öðru bifhjóli missti einnig stjórn á sínu hjóli við slysið og skall í götuna, en hann er ekki eins alvarlega slasaður. Ökumann bílsins sakaði ekki.

Reynir á upptöku farartækja í fyrsta sinn

Sýslumaðurinn á Selfossi hefur lagt hald á bæði mótorhjólin, sem komu við sögu umferðarslyss á Breiðholtsbraut í vikunni, og ætlar að krefjast þess fyrir dómi að þau verði gerð upptæk til ríkissjóðs. Það yrði fyrsta mál sinnar tegundar eftir að ný lög heimiluðu slíkt.

Óskað eftir vitnum að ofsaakstri á Hellisheiði

Lögreglan biður vegfarendur sem urðu vitni að aksturslagi bifhjólanna tveggja sem virtu að vettugi stöðvunarmerki lögreglu aðfararnótt mánudagsins að gefa sig fram. För hjólanna endaði með því að báðir ökumanna féllu í götuna eftir árekstur við bíl á Breiðholtsbraut með þeim afleiðingum að annar mannanna slasaðist alvarlega. Honum er nú haldið sofandi í öndunarvél á gjörgæslu Landsspítalans.

Vill gera mótorhjólin upptæk

Sýslumaðurinn á Selfossi hefur lagt hald á bæði mótorhjólin, sem komu við sögu umferðarslyss á Breiðholtsbraut í vikunni og ætlar að krefjast þess fyrir dómi að þau verði gerð upptæk til ríkissjóðs. Það yrði fyrsta mál sinnar tegundar eftir að ný lög heimiluðu slíkt en þau tóku gildi í apríl.

Mest lesið


Fleiri fréttir

Sjá meira


×

Mest lesið