Sprengdu hluta af stíflu í Kína

Kínverskir hermenn sprengdu í gær hluta af stíflu úr grjóti og jarðvegi sem myndaðist í fljóti eftir jarðskjálftann þar í maí.

Hætta var talin á miklu flóði ef stíflan brysti skyndilega. Var því sú leið farin að lækka yfirborð vatnsins sem safnast hafði upp með þessum hætti. Hermennirnir beittu meðal annars sprengjuvörpum og skotfærum sem notuð eru til að skjóta á skriðdreka í hernaði. Miklar rigningar að undanförnu hafa aukið hættuna á flóði bresti stíflan.

CNN greindi frá.