Naumlega bjargað frá drukknun í Mexíkóflóa

Öryggisvörður bjargaði tveimur háskólastúdentum þegar bátur sökk í Mexíkóflóa um helgina en drukknaði sjálfur. Hann ýtti stúdentunum út um lúgu á þilfari bátsins.

Eftir að báturinn sökk flutu fimm manns í tæpan sólarhring í sjónum áður en hjálp barst. Fólkið hafði þó aðeins fjögur björgunarvesti en hélt hópinn. Björgunarmenn segja viljastyrk þeirra hafa verið ótrúlegan. Stúdentarnir þakka öryggisverðinum sem fórst og segjast ekki vera á lífi nú hefði hans ekki notið við.