Einn handtekinn vegna morðsins á skólastúlkunni

Maður á þrítugsaldri var handtekinn nú í kvöld eftir að fimmtán ára stúlka fannst látin með fjöldi stungusára. Stúlkan fannst í lyftu í blokk nálægt Waterloo lestarstöðinni í London.

Stúlkan sem klædd var í skólabúning var fórnarlamb hrottafenginnar árásar. Svo harkalegar voru stungurnar að hnífurinn sem fannst var brotinn.

Stúlkan var með að minnsta kosti tíu stungusár á bringu, hálsi og baki. Líkið af stúlkunni fann kona sem var að fara í lyftuna með barn sitt.

Karlmaður á þrítugsaldri hefur verið handtekinn grunaður um morðið á stúlkunni.

„Við vitum ekki ástæðurnar að baki árásinni en við höldum að þetta sé ekki verknaður gengis," sagði talsmaður lögreglunnar við Sky fréttastöðina í kvöld.

„Þetta er eitt af þeim svæðum sem lögreglan hefur haft auga með í baráttu sinni gegn hnífum," sagði fréttamaður stöðvarinnar.