Kennedy kominn heim eftir erfiða aðgerð

Edward Kennedy, höfuð hinar margrómuðu bandarísku Kennedy fjölskyldu, er kominn aftur til síns heima eftir vel heppnaða skurðaðgerð. Læknar fjarlægðu góðkynja æxli í heila Kennedy fyrir viku.

Kennedy er einn valdamesti öldungardeildarþingmaður bandaríkjanna og bróðir John F Kennedy sem skotinn var til bana á sjöunda áratug síðustu aldar.

Hann kom heim á ættaróðal fjölskyldunnar, í Hyannisport á Cape Cod, í dag og ræddi stuttlega við fréttamenn.

"Það er gott að vera kominn aftur," sagði hann. Kennedy er sagður hafa náð sér ótrúlega vel eftir aðgerðina en ekki er enn ljóst hvenær hann muni snúa aftur til starfa í öldungardeildinni.

Þangað til mun hann dvelja í Hyannisport en þar hefur Kennedyfjölskyldan átt sitt sumarheimili síðan 1928.