Bush í konunglegu teboði

George Bush Bandaríkjaforseti er að ljúka ferðalagi sínu um Evrópu en nú er hann staddur á Englandi. Hann og Laura konan hans settust niður með Elísabetu Englandsdrottningu í Windsor kastala og drukku te. Bush verður í tvo daga á Englandi og meðal annars mun hann hitta Gordon Brown forsætisráðherra að máli á morgun.

Bush er fyrsti Bandaríkjaforsetinn sem fær heimboð í Windsor kastala frá drottningu frá því Ronald Reagan heimsótti hana þangað árið 1982.

Í síðustu viku hitti hann leiðtoga Frakklands, Þýskalands og Ítalíu en talið er að þetta verði hans síðasta ferð til Evrópu á meðan hann gegnir embætti forseta.