Simbabve hindrar störf hjálparsamtaka

Stjórvöld Simbabve hafa bannað að minnsta kosti einum hjálparsamtökum að starfa í landinu þar sem þau telja þau hafa talað máli andstæðinga stjórnvalda. Samtökin sem umræðir sem kallast Care International neita að hafa tekið þátt eða hvatt til nokkurrar pólitískrar starfsemi.

Forsetakosningarnar á milli núverandi forseta landsins Robert Mugabe og leiðtoga MDC Morgan Tsvangirai sem verða í landinu í lok júní eru líklega orsakavaldur bannsins.

Á meðan situr Mugabe leiðtogafund um matvælakreppu í heiminum sem haldin er í Róm. Talið er að um fjórar milljónir Simbabve-manna þurfti matarhjálp en Mugabe er ásakaður um að hafa valdið þessu ástandi með stjórn sinni.