Sögulegum forkosningum Demókrataflokksins lýkur í dag

Sögulegum forkosningum Demókrataflokksins í Bandaríkjunum lýkur í dag. Þá verður kosið í Montana og Suður Dakóta en aðeins 31 kjörmaður er í boði.

Reiknað er með að Barak Obama sigri í báðum þessum ríkjum en kjörmannafjöldinn er ekki nægur til að gulltryggja honum útnefningu flokksins sem forsetaefni þess.

Hinsvegar búast flestir fréttaskýrendur við að Hillary Clinton muni lýsa yfir ósigri sínum í kvöld eða í fyrramálið. Raunar hefur eiginmaður hennar, Bill Clinton, gefið slíkt í skyn opinberlega.