Hillary virðist ekki ætla að draga sig til baka

Bæði Hillary Clinton og Barack Obama töluðu rétt í þessu á fundi AIPAC samtakanna sem berjast fyrir auknum samskiptum og stuðningi Bandaríkjanna við Ísraelsríki. Hillary notaði ekki tækifærið til þess að draga sig til baka heldur forðaðist hún að nefna neinn ákveðinn sem næsta frambjóðanda Demókrata til forseta Bandaríkjanna.

Hún talaði um samskipti Ísraels og Bandaríkjanna eins og hún væri enn í framboði til forsetaefnis. Um Obama sagði hún að hann yrði góður vinur Ísraels en þegar hún talaði um að næsti forseti Bandaríkjanna þyrfti að verða Demókrati, til þess að rétt við mál á þessum svæðum,nefni hún ekki hvort það yrði Obama eða hún.

Bæði Hillary Clinton og Barack Obama lögðu mikla áherslu á góð samskipti á milli Bandaríkjanna og Ísrael og bæði nefnu að þau myndu gera allt sem í þeirra valdi stæði til þess að tryggja öryggi Ísraels og hindra þá kjarnavopnaógn sem stafaði frá Íran.

Barack mælti eins og hann væri þegar orðinn forsetaefni Demókrata. Hann talaði um að hann vildi vinna að því að tryggja öryggi í Miðausturlöndum og koma í veg fyrir þá kjarnavopnaógn sem stafaði frá Íran en beita til þess diplómatískum leiðum til hins ýtrasta fremur en herkrafti.