Amnesty gagnrýnir Bush-stjórn, Búrma og Kína

Amnesty International gagnrýnir í ársskýrslu sinni, sem var birt í dag, stjórnvöld í Búrma, Kína og Bandaríkjunum.

Irene Khan, framkvæmdastjóri Amnesty, kynnti skýrsluna á fréttamannafundi í morgun. Í henni er herforingjastjórnin í Búrma harðlega gagnrýnd fyrir árásir gegn munkum sem mótmæltu á götum úti á síðasta ári.

Khan sagði að herforingjarnir mættu skammast sín. Stjórnvöld í Kína fá sinn skerf af gagnrýni, bæði fyrir að veitast að andófsmönnum í Kína og fyrir að styðja ríkisstjórnir víða um heim sem einnig hunsa mannréttindi.

Þá sakar Amnesty stjórnvöld í Bandaríkjunum fyrir að lögleiða og réttlæta pyntingar. Irene Khan segir að stjórnvöld í Washington hafi átt að taka forystu í góðu siðferði, en gert þveröfugt.