Vilhjálmur prins þúsundasti riddari sokkabandsins

Vilhjálmur prins verður í dag þúsundasti riddari sokkabandsorðunnar svokölluðu og fer athöfnin fram í Windsor-kastala og Kapellu heilags Georgs.

Regla sokkabandsorðunnar er elsta riddararegla Englands en henni var komið á fót af Játvarði þriðja Englandskonungi. Veiting orðunnar fer þannig fram að drottningin leggur bláan borða yfir vinstri öxl prinsins og hengir stjörnu á brjóst hans. Samkvæmt bæn frá 14. öld sem flutt er við orðuveitinguna skal prinsinn vera staðfastur, berjast kröftuglega og vinna glæsta sigra.

Sky News greindi frá.